Month

September 2016

ནམ་ནམ་ཞར་ཞར་རྗེས་སུ་དྲན་འོས་པའི་སྐད་ཡིག་ཐོབ་ཐང་འཐབ་རྩོད་ཀྱི་ཞུ་མཆིད་ཅིག

གཤམ་གྱི་ཞུ་མཆིད་ནི་མཚོ་སྔོན་ཞིང་ཆེན་གྱི་བགྲེས་ཡོལ་ལས་བྱེད་ཁག་གིས་༢༠༡༠ལོའི་བོད་ཀྱི་སྐད་ཡིག་གི་ལས་དབང་ཉག་ཕྲ་ཞིང་གཉན་འཕྲང་ལ་ཐུག་པའི་སྐབས་སུ་རྔམ་སྟོན་དང་སྐད་འབོད་བྱེད་པའི་སློབ་མ་དག་ལ་བརྒྱབ་སྐྱོར་གྱི་ཚུལ་ཏུ་བྲིས་ཤིང་། ཞུ་མཆིད་དེས་ཐེངས་དེའི་སྐད་ཡིག་ལས་འགུལ་རྒྱལ་ཁ་ལོན་པ་ལ་ཕན་ནུས་གཞལ་དུ་མི་ནུས་བ་ཐོན་ཡོད་པས་ཁོང་རྣམ་པའི་སྙིང་སྟོབས་དང་ཤེས་རབ་ལ་གུས་འདུད་ཞུ། ཕལ་ཆེར་ཁོང་ཚོ་ནང་གི་བགྲེས་སོང་ལ་ལ་ད་ལྟ་འཇིག་རྟེན་འདི་ན་མི་བཞུགས་ན་ཐང་། ཡིན་ནའང་ལོ་བརྒྱ་ཐུབ་གི་མྱི་མེད་རུང་། བསྐལ་བར་འདུག་གི་གཏམ་ཡོད་ཅེས་བ་བཞིན། ཁྲིམས་གླིང་གིས་ཁོང་ཚོ་རྗེས་སུ་དྲན་པའི་ཕྱིར་ཁོ་ཚོའི་ཞུ་མཆིད་འདིར་བཀོད་པ་ཡིན། མདོ་ལས། འཇིག་རྟེན་གཏེར་ཆེན་རྣམས་ནི་རྒྱལ་བོ་དང་། རྐུན་པོ་མེ་ཆུ་བསླུས་བས་ཟད་པར་འགྱུར། དེ་བཞིན་གཤེགས་པ་རྣམས་ཀྱི་ཐོས་གཏེར་ནི། བསྐལ་བ་བྱེ་བ་མང་བོར་ཆུད་མི་ཟ་ཞེས་གསུངས་ཡོད་པ་བཞིན། ཁོང་ཚོའི་ཞུ་མཆིད་འདི་ནི་ང་ཚོའི་སྨག་རུམ་ཁྲོད་དུ་འགྲུལ་བཞུད་ཀྱི་སྒྲོན་མེ་ཡིན། སྙིང་ཐག་པ་ནས་བཀའ་དྲིན་ཆེ་ཞུ། མཚོ་སྔོན་ཞིང་ཆེན་སློབ་གསོ་ཐིན། བཅིངས་གྲོལ་གྱི་རྗེས་དང་། ལྷག་པར་དུ་བསྒྱུར་བཅོས་སྒོ་འབྱེད་ཀྱི་རྗེས་སུ་མཚོ་སྔོན་གྱི་སློབ་གསོ་ལ་འཕེལ་རྒྱས་བླ་ན་མེད་པ་བྱུང་ཞིང་། སྐད་གཉིས་སློབ་གསོའི་མ་ལག་མཚམས་མ་ཆད་པར་ཕུན་སུམ་ཇེ་ཚོགས་དང་། གཟེངས་སུ་ཐོན་པའི་གྲུབ་འབྲས་བྱུང་བས། རྒྱལ་སྤྱིའི་ལྟ་སྣང་ལའང་བར་མེད་དུ་རྒྱ་ཆེར་འཕེལ་བཞིན་པའི་སྣང་བ་ཞིག་སྤྲད་འོང་བ་དེའོ།། བོད་རིགས་རང་སྐྱོང་གི་ས་ཁུལ་རེ་འགས་གཟབ་ནན་བརྟན་བརླིང་དང་། ཚན་རིག་མཐུན་སྤྱོད། སྒམ་བརླིང་ནན་ཞིབ་བྱས་ཏེ་རྨང་གཞིའི་སློབ་གསོ་སྐད་གཉིས་སློབ་གསོའི་དུས་རིམ་དུ་བསླེབ་པར་སྐུལ་འདེད་བགྱིས་པས། སློབ་གསོའང་སྤང་ལ་མེ་སྟག་འཐོར་བ་བཞིན་རྒྱ་ཁབ་ཏུ་འཕེལ་ཏེ་ན་གཞོན་ཡིག་རྨོངས་ལས་ཐར་ཚད་ཀྱང་བརྒྱ་ཆའི་གོ་དྲུག་ལ་བསླེབས་པའོ།།

བཀྲ་ཤིས་དབང་ཕྱུག་དང་འབྲེལ་བའི་ཁྲིམས་གླེང་བ།

 ཉེ་ཆར་ཡུལ་ཤུལ་བོད་རིགས་རང་སྐྱོང་ཁུལ་རྒྱལ་ཁབ་བདེ་འཇགས་ལས་ཁུངས་ཀྱིས་བོད་ཀྱི་སྐད་ཡིག་གི་ཐོབ་ཐང་བརྩོན་ལེན་པ་བཀྲ་ཤིས་དབང་ཕྱུག་ལ་རྒྱལ་ཁབ་ཁ་བྲལ་གཏོང་བར་ངན་སྐུལ་གྱི་ཉེས་འཛུགས་བསམ་འཆར་ཡིག་ཆ་ཁ་གསབ་ཅིག་ཡུལ་ཤུལ་བོད་རིགས་རང་སྐྱོང་ཁུལ་མི་དམངས་ཞིབ་དཔྱོད་ཁང་ལ་ཕུལ་ནས་ཞིབ་དཔྱོད་ལས་ཁུངས་ཀྱིས་བཀྲ་ཤིས་དབང་ཕྱུག་གཞུང་གཏུག་བྱེད་དགོས་པའི་རེ་འདུན་བཏོན་ཡོད། ད་ལོ་ཟླ་༦་པའི་ཚེས་༢༥ཡས་མས་སུ། ཡུལ་ཤུལ་རྒྱལ་ཁབ་བདེ་འཇགས་ལས་ཁུངས་ཀྱིས་དེ་འདྲའི་ཉེས་འཛུགས་བསམ་འཆར་ཡིག་ཆ་ཐོག་མ་དེ་ཡུལ་ཤུལ་བོད་རིགས་རང་སྐྱོང་ཁུལ་མི་དམངས་ཞིབ་དཔྱོད་ཁང་ལ་ཕུལ་བ་ཡིན་མོད། ཟླ་གཅིག་ཙམ་གྱི་རྗེས་སུ་མི་དམངས་ཞིབ་དཔྱོད་ཁང་གིས་གྱོད་གཞི་དེ་རྒྱལ་ཁབ་བདེ་འཇགས་ལས་ཁུངས་ལ་བསྐྱར་དུ་བརྩད་གཅོད་གཏོང་བར་ཕྱིར་མངགས་བྱས། ཉེས་ཁྲིམས་གཏུག་བཤེར་གྱི་ཁྲིམས་ཀྱི་དོན་ཚན་༡༧༡གི་ནང་གསེས་ཚན་པ་༢་དང་ཆེས་མཐོ་མི་དམངས་ཞིབ་དཔྱོད་ཁང་གི་ལས་དོན་ཁྲིམས་ཡིག་གི་དོན་ཚན་༣༨༠ལྟར་ན། ཉེས་འཛུགས་ཀྱི་དཔང་རྟགས་མི་ཚང་བའམ་དོན་དངོས་མི་གསལ་ཞིང་ཉེས་དོགས་པ་གཞན་ལྷག་ཡོད་པ་སོགས་ཀྱི་གནས་ཚུལ་བྱུང་ན་གྱོད་གཞི་ཕྱིར་བརྩད་གཅོད་ལས་ཁུངས་ལ་བརྩད་གཅོད་ཁ་གསབ་བྱེད་པར་མངགས་དགོས་ཞེས་འཁོད་ཡོད་པ་དང་། དེའི་དོན་ཚན་༣༨༢་ནང་དུ་བརྩད་གཅོད་ལས་ཁུངས་ཀྱིས་ཟླ་བ་གཅིག་གི་ནང་ནས་ཁ་གསབ་བརྩད་གཅོད་ཚར་དགོས་བའི་གཏན་འཁེལ་ལྟར། ད་ལོའི་ཟླ་བརྒྱད་པའི་ཚེས་༢༥ཉིན་ཡུལ་ཤུལ་ཁུལ་རྒྱལ་ཁབ་བདེ་འཇགས་ལས་ཁུངས་ཀྱིས་ཁ་གསབ་བརྩད་གཅོད་ཀྱི་དཔང་རྟགས་དང་བཅས་ཉེས་འཛུགས་བསམ་འཆར་ཡི་གེ་ཡང་བསྐྱར་ཞིབ་དཔྱོད་ལས་ཁུངས་ལ་ཕུལ་ཡོད་སྐད། ཉེས་དོན་གཏུག་བཤེར་གྱི་ཁྲིམས་ཀྱི་དོན་ཚན་༡༦༩ལྟར་ན། ཡུལ་ཤུལ་མི་དམངས་ཞིབ་དཔྱོད་ཁང་གིས་ཟླ་བ་གཅིག་གམ་རིང་ན་ཟླ་བ་གཅིག་དང་ཕྱེད་ཀའི་ནང་རྒྱལ་ཁབ་ཀྱི་ཚབ་བྱས་ནས་བཀྲ་ཤིས་དབང་ཕྱུག་ལ་ཉེས་འཛུགས་ཀྱི་གཞུང་གཏུག་བྱེད་པའམ་ཡང་ན་ཉེས་བ་མེད་པའམ་ཡང་བ་དང་ཉེས་འཛུགས་ཀྱི་དཔང་རྟགས་མི་ཚང་བའི་རྐྱེན་གྱིས་ཞུ་གཏུག་མི་བྱེད་པའི་ཐག་གཅོད་བྱེད་དགོས། ཉེས་དོན་གཏུག་བཤེར་གྱི་ཁྲིམས་ཀྱི་དོན་ཚན་༡༧༡གི་ཚན་པ་༢་བ་དང་མི་མང་ཞིབ་དཔྱོད་ཁང་གི་ལས་དོན་ཁྲིམས་ཡིག་གི་དོན་ཚན་༤༠༡་དང་༤༠༣། ༤༠༤་དང་༤༠༦་གི་ནང་དུ་གསལ་བོར་གཏན་འཁེལ་བ་ལྟར། ཞིབ་དཔྱོད་ལས་ཁུངས་ཀྱིས་རྒྱལ་ཁབ་བདེ་འཇགས་ལས་ཁུངས་ཀྱི་བརྩད་གཅོད་མཇུག་འབྲས་ཀྱི་དཔང་རྟགས་འཐུས་ཚང་མིན་པར་བསམ་ན་ཡང་བསྐྱར་བདེ་འཇགས་ལས་ཁུངས་ལ་ཐེངས་གཅིག་མངགས་ནས་བརྩད་གཅོད་བྱེད་དུ་འཇུག་པའམ་ཡང་ན་ཉེས་འཛུགས་ཀྱི་དཔང་རྟགས་མི་ཚང་བས་ཞུ་གཏུག་མི་བྱེད་པའི་ཐག་གཅོད་བྱེད་ཆོག

ཁྲིམས་ལུགས་ལ་སློབ་སྦྱོང་བྱེད་དགོས་པ།

ནགས་ཚང་ནུས་བློ། ང་ཚོ་ནི་མི་ཞིག་ཡིན་པའི་ཆ་ནས་བཤད་ན། སྐྱེ་བོ་སུ་དང་སུ་ཡིན་ཡང་རང་རང་ལ་ཆེས་རྩ་བའི་ཁེ་དབང་རེ་ཡོད་པ་ནི་ཤེས་དགོས་པ་མ་ཟད་། མི་རང་གི་ཁེ་དབང་གི་ཐོབ་ཐང་འདི་དག་ལ་ཁྲིམས་ལྡན་གྱི་སྲུང་སྐྱོབ་བྱེད་དགོས་པ་ཡང་ཤེས་དགོས་པ་རེད། རང་ཉིད་ཁ་འོག་ཏུ་བསྡད་ཡོད་པའི་རྒྱལ་ཁབ་སྟེ། རང་བཙན་གྱི་རྒྱལ་ཁབ། ཡང་ན་མངགས་བཅོལ་འོག་ཏུ་ཡོད་པའི་རྒྱལ་ཁབ་བམ། རང་སྲིད་རང་སྐྱོང་མིན་པའི་རྒྱལ་ཁབ་གང་ཡིན་ཡང་། ཐོག་མར་སྐྱེ་བོ་རང་ཉིད་ཀྱིས་རྒྱལ་ཁབ་འདིའི་ཁྲིམས་ལ་སློབ་སྦྱོང་བཟང་བོ་བྱེད་དགོས། ཁྲིམས་མཐུན་གྱི་ངང་ནས་རྒྱལ་ཁབ་ཁྲིམས་ཀྱིས་རང་གི་ཁེ་དབང་སོགས་སྲུང་སྐྱོབ་བྱེད་དགོས། ས་ཆ་མང་ཙམ་གྱིས་ཁྲིམས་བཤད་པ་བཟང་ཡང་ལག་ལེན་མི་བྱེད་པ་ནི་དཔོན་ངན་ཉུང་ཤས་ཀྱིས་གཅིག་ནས་སྙིང་རྗེ་མེད་པ་དང་། གཉིས་ནས་གླ་ཕོགས་ལེན་པ་ཙམ་ལས་རྒྱལ་ཁྲིམས་མི་ཤེས་པའི་རྐྱེན་རེད། ཅི་བཤད་ཀྱང་། དབང་བསྒྱུར་མཁན་གྱི་རྒྱལ་ཁྲིམས་ལ་འབངས་མི་སྲུང་སྐྱོབ་ཀྱི་ནུས་ཤུགས་ཆེན་པོ་ཡོད་པ་དང་། སྤྱིར་བཏང་དུ་ཁྲིམས་སོགས་ནི་རྒྱུ་འབྲས་དྲང་བ་ཡིན་ལ། རྒྱལ་ཁྲིམས་བཟང་བོ་ཡོད་ཀྱང་ངོ་ཚ་ཁྲེལ་མེད་ཀྱིས་ལག་ལེན་མི་བྱེད་པའི་གཏུམ་སྤྱོད་ཀྱི་དབང་བསྒྱུར་རྒྱལ་ཁབ་ནི་ཉུང་ཤས་ཡིན་པ་ནི་བཤད་མ་དགོས་པ་རེད། གནད་འགག་ནི་སྐྱེ་བོ་རང་ཉིད་ཀྱིས་རྒྱལ་ཁྲིམས་འདི་དག་ཅི་ལྟར་གོ་དོན་ཆ་ཚང་རྟོགས་པ་དང་རང་གི་ཁེ་ཕན་སྲུང་བའི་ཐད་ཅི་ལྟར་མཁོ་སྤྱོད་བྱེད་པ་ལ་རག་ལས་པ་ཡིན། འབངས་མི་མང་ཙམ་གྱིས་རྒྱལ་ཁྲིམས་རང་དང་འབྲེལ་བ་མེད་འདོད་པ་ནི་ནོར་འཁྲུལ་རེད། ཁྱོད་རྒྱལ་ཁབ་འདིའི་ཁ་འོག་ཏུ་བསྡད་ཡོད་པས་ཁྱོད་ཀྱི་ཤེས་ན་མ་ཤེས་ན། ཡང་ན་ཁྱོད་ཀྱི་འདོད་ན་མ་འདོད་ན་རྒྱལ་ཁྲིམས་ཡོད་ཚད་ཁྱོད་ཀྱི་མགོ་ལ་ཡོད་ངེས་ངེས་རེད། ཁྲིམས་ཀྱིས་རང་སྲུང་ཤེས་མཁན་མགོ་ལ་ཆག་སྐྱོན་ཉུང་བ་དང་། ཁྲིམས་ཀྱིས་རང་སྲུང་མི་ཤེས་མཁན་གྱི་མགོ་ལ་དུས་ནམ་ཡང་ཆག་སྐྱོན་མང་ཙམ་དང་། དོན་མེད་དུ་ཁྲིམས་འགལ་གྱི་གཤེ་རྡུང་དྲུད་གསུམ་ཀྱང་ཐེབས་ཀྱིན་ཡོད་ཀྱང་། བཤད་ས་བཤད་ཁུངས་མ་ཤེས་པར་སྒུག་པའི་བུ་ངན་ཟོས་པ་བཞིན་བསྡད་ཡོད་པ་སོགས་ནི་སྙིང་རེ་རྗེ། དེ་བས་ཅི་བཤད་ན་སྐྱེ་བོ་མཐོ་དམན་སུ་ཡིན་ཡང་རང་དང་འབྲེལ་བའི་ཁྲིམས་ལུགས་ཅུང་རེ་སློབ་སྦྱོང་བྱས་ན་དགོས་ངེས་ཀྱི་སྐབས་རེ་ཡོད་ཁོ་ཐག་རེད།

ཉེས་དོན་གཏུག་བཤེར་སྐབས་ཀྱི་ཐ་སྙད་དང་བརྡ་ཆད་ཁ་ཤས་ཀྱི་འགྲེལ་བཤད།

གཤམ་གྱི་ཐ་སྙད་དག་ནི་ཉེས་དོན་གཏུག་བཤེར་་སྐབས་སུ་རྒྱུན་ཏུ་བཀོལ་སྤྱོད་བྱེད་པའི་ཐ་སྙད་དང་བརྡ་ཆད་རྒྱ་ཡིག་ནས་བོད་ཡིག་ལ་བསྒྱུར་བ་ཡིན། མཁྱེན་ལྡན་གྱི་གཟིགས་མཁན་རྣམས་ལ་ཐ་སྙད་དང་བརྡ་ཆད་སྤུས་ལེགས་ཡོད་ན་འདི་རུ་འགོད་པར་འཚལ། ང་ཚོས་ཐ་སྙད་གང་ལེགས་འཚོལ་བསྡུད་བྱས་ནས་རྗེས་སུ་ཚད་མར་འཛིན་པའི་ཐ་སྙད་གཏན་འཁེལ་བྱ་ཆོག ཐ་སྙད་དང་འགྲེལ་ལ་གོ་འཛོལ་སོགས་ཀྱི་ནོར་འཁྲུལ་ཡོད་ན་མཛུབ་སྟོན་གནང་བར་མཁྱེན། བཀག་ཉར། སྤྱི་བདེ་དང་ཞིབ་དཔྱོད་ལས་ཁང་གིས་བྱས་ཉེས་བྱེད་བཞིན་པའམ་དོགས་གཞི་ཡོད་པའི་ཉེས་དོགས་མི་སྣར་ངེས་ཅན་གྱི་ཁྲིམས་ཀྱི་ཉེན་ཁ་ཡོད་པའི་ཆ་རྐྱེན་འོག་འཕྲལ་དུ་བཟུང་བཀྱིག་བྱས་ནས་འདྲི་གཅོད་བྱེད་པའི་ཐབས་ཚུལ།  拘留 བརྡ་བསྐྱལ། ཁྲིམས་འཛིན་ལས་ཁང་གིས་ཐབས་ལམ་ངེས་ཅན་བརྒྱུད་ནས་གྱོད་འབྲེལ་གཞུང་ཡིག་འབྲེལ་ཐོགས་མི་སྣའི་ལག་ཏུ་སོན་པར་བྱེད་པ་ཞིག་ལ་གོ 送达 གྱོད་གཞི་དང་ལེན། སྤྱི་བདེ་དང་ཁྲིམས་འཛིན་ལས་ཁུངས་ཀྱིས་མི་བདག་གི་ཞུ་གཏུག་དང་ཉེས་དོགས་པའི་མགོ་འདོགས་སོགས་ལ་བརྟག་དཔྱད་བྱས་རྗེས་གྱོད་གཞི་དང་ལེན་བྱས་ཏེ་བརྩད་གཅོད་དང་ཁྲིམས་གཅོད་བྱེད་མིན་སོགས་ཐག་གཅོད་པའི་བརྒྱུད་རིམ་ཞིག 立案

ཁྲིམས་ལུགས་ཀྱི་ལམ་ལ་བསྐྱོད་པ།

ང་ཚོ་ཨ་མདོ་བ་ཕལ་ཆེ་བས་རང་ཉིད་ཀྱི་ཕུགས་འདུན་དང་དགའ་སྡུག་སོགས་ཀྱི་སེམས་ཚོར་སྙན་ངག་ལ་བཅོལ་ནས་རྨ་ཁ་དང་ན་ཚ་དེ་ཡིས་སྨན་བཅོས་བྱེད་ཁུལ་བྱས། དེ་ནི་བོད་ཀྱི་དེང་རབས་སྙན་ངག་པ་སོགས་ཀྱི་༼དངོས་རྫས་མ་ཡིན་པའི་རིག་གནས་ཤུལ་རྫས་༽ལས་སྐྱེས་ཤིང་མཆེད་པའི་སེམས་གཤིས་ཤིག་ཡིན་རྒྱུ་རེད་བསམ། མི་རིགས་འདིའི་མི་རབས་ནས་མི་རབས་སུ་བརྒྱུད་པའི་གོད་ཆག་དང་མྱངས་བའི་ངོ་ཚ་ཡོད་དོ་ཅོག་སྙན་ངག་གིས་ཞི་བའམ་ཞིག་གསོ་བྱེད་ནུས་ན། འཇར་པན་ནི་ད་ལྟ་སྙན་ངག་གིས་ཁྱབ་པའི་རྒྱལ་ཁབ་ཅིག་ཆགས་ཡོད་རྒྱུ་རེད། ཡིན་ནའང་དེ་ལས་ལྡོག་སྟེ་འཇར་པན་ནི་སྟོབས་འབྱོར་གྱིས་བརྟས་ཤིང་སྙན་ངག་གིས་དབུལ་བའི་རྒྱལ་ཁབ་ཅིག་ཡིན། ཉམ་དམའ་བའི་མི་རིགས་ཤིག་ལ་སྙན་ངག་མི་མཛའ་བ་ནི་ས་སྒང་འདིའི་མི་གཞན་གྱིས་ཤེས་ཤིང་ང་ཚོས་ཧ་མ་གོ་བའི་གསང་བ་ཞིག་ཡིན། ཞག་རྩི་ཡོད་མེད་ལ་མ་ལྟོས་བར་བར་སྣང་ནས་སྙན་ངག་གི་བཙན་མཁར་ཞིག་བཞེངས་བ་ལས་ང་ཚོས་མིག་མཐོང་ལག་ཟིན་གྱི་ཐབས་ལམ་ཞིག་བཙལ་ནས་ལུས་སྟོབས་རྒྱས་བར་བྱ་དགོས། སྟོབས་འབྱོར་ལས་བྱུང་བའི་སྙན་ངག་ནི་གླིང་སྒྲུང་ལྟ་བུ་ཡིན། དེས་ན་ང་ཚོས་སྟོབས་འབྱོར་འཕེལ་བྱེད་ཀྱི་ཟ་མ་རིན་པོ་ཆེ་གང་ནས་འཚོལ་དགོས་ཞེ་ན། ངས་བལྟས་ན་ང་ཚོ་ཁྲིམས་ལུགས་ཀྱི་ལམ་ལ་ཆས་ཏེ་ཁྲིམས་ལུགས་ཀྱི་ཤ་མར་ཟོས་ན་ད་གཟོད་མི་རིགས་འདིའི་ལུས་སྟོབས་ཡང་བསྐྱར་རྒྱས་སྲིད། གནའ་བོ་རོམ་གྱི་བསམ་བློ་བ་ཕེ་ཁྲོལ་ནུ་ཡོག་སུས་༼Petronius༽ཁྲིམས་ལུགས་ནི་བག་ལབ་དང་མར་ཕྱུར་ཡིན་ཞེས་ལོ་ངོ་སྟོང་ཕྲག་ཡན་ལ་ལུང་བསྟན་ཡོད་པས། ང་ཚོས་ད་ལྟ་ཁྲིམས་ལུགས་ཞེས་བ་དེ་འོ་སྐོལ་གྱི་བསམ་པའི་ཀློང་གི་གཏེར་ནས་གདན་དྲངས་ཏེ་ལྟོ་གོས་གཏམ་གསུམ་སོགས་སྒྲུབ་བྱེད་ཀྱི་ཐབས་ལམ་ཞིག་ལ་བཀོལ་དགོས། རང་རིགས་ཀྱི་བགྲེས་སོང་ཕལ་ཆེ་བས་རྒྱ་ནག་རྒྱལ་ཁབ་ཀྱི་ཁྲིམས་ལ་ཡིད་ཆེས་མེད་ཅེས་བརྗོད་ན་དེ་ལ་ཁག་མེད། ཁོང་ཚོའི་ལོ་རྒྱུས་ནི་རྒྱ་ནག་རྒྱལ་ཁབ་ཆེས་ཁྲིམས་མེད་ལུགས་མེད་ཀྱི་དུས་ངན་ལ་ཁེལ་ཡོད་ལ་ཁོང་རྣམ་པ་ཚོ་ལོ་རྒྱུས་དེ་དེད་ནས་ཚུར་ཡོང་བ་རེད། ཡིན་ནའང་ང་ཚོ་གཞོན་རབས་ཚོ་རྒན་པ་རྣམས་ཀྱི་འཇིགས་དོགས་ཀྱི་གྲིབ་མ་ནང་དུ་མི་གནས་བར་སོ་སོའི་སྐབས་དང་འཚམ་པའི་ཐོབ་ཐང་དང་བདེ་སྐྱིད་ལ་བརྩོན་ལེན་བྱེད་པ་ནི་ལྷན་སྐྱེས་ཀྱི་འགྲོ་བ་མིའི་ཐོབ་ཐང་ཞིག་ཡིན། རྒྱ་ནག་རྒྱལ་ཁབ་ཀྱི་རྟོགས་སད་ཤེས་ཡོན་པ་དང་སྒོས་སུ་ཁྲིམས་རིག་སྨྲ་བའི་སྡེ་དག་གིས་མང་ཚོགས་ཀྱི་སྣེ་ཁྲིད་ནས་མི་ལོ་སུམ་ཅུ་ལྷག་ལ་ཧུར་ཐག་འབད་ཐག་བྱས་བའི་རྐྱེན་གྱིས་ད་ལྟ་འགྲོ་བ་མིའི་ཐོབ་ཐང་ལ་སྲུང་སྐྱོབ་བྱེད་པ་རྩ་ཁྲིམས་ཀྱི་དོན་ཚན་ནང་ཚུད་ཡོད་པ་མ་ཟད། ཁྲིམས་ཐམས་ཅད་ཀྱི་ནང་དུ་ཁྱབ་བརྡལ་ཏུ་འགྲོ་དང་འགྲོ་བཞིན་པ་དང་རྒྱལ་ཁབ་ཁྲིམས་ཀྱིས་སྐྱོང་བ་དང་བོད་ཡུལ་ཁྲིམས་ཀྱིས་སྐྱོང་བ་སོགས་སྔར་ནས་དར་མ་མྱོང་བའི་སྲིད་ཇུས་ཀྱང་ལག་བསྟར་དང་གཏན་འཁེལ་བྱེད་བཞིན་བདའ། འདི་དག་ནི་ང་ཚོས་འཚོལ་དགོས་བའི་གླགས་ཡིན།

ཉེས་དོན་གཏུག་བཤེར་གྱི་ཁྲིམས་ཀྱི་མཚམས་སྦྱོར་མདོར་བསྡུས།

ཉེས་དོན་གཏུག་བཤེར་ནི་རྒྱལ་ཁབ་ཀྱི་དབང་དྲག་འོག་ཉེས་དོན་འབྲེལ་ཐོགས་མི་སྣ་མཉམ་ཞུགས་བྱས་ནས་ནག་ཉེས་སུན་འབྱིན་དང་ཉེས་མེད་དཀར་འདོན་བྱེད་པའི་ལས་ཚུལ་ཞིག་ལ་གོ བོད་ལ་མཚོན་ན་སྔ་རབས་སྐབས་སུ་ཞུ་བཞེས་བདེན་རྫུན་དང་བཟུང་བཀྱིག་ཁྲིམས་ར་སོགས་ཀྱི་ཞལ་ལྕེ་ཡོད་པ་དེ་དག་དེང་གི་ཉེས་དོན་ཞུ་སྦྱོར་གྱི་ལམ་ལུགས་ཀྱི་དགོངས་པ་དང་ཅུང་ཟད་མཐུན། རྒྱ་ནག་ལ་མཚོན་ནའང་སྔ་རབས་ནས་གཞུང་གིས་ཉེས་དོན་ཞུ་སྦྱོར་གྱི་ལས་ཐམས་ཅད་དང་ལེན་བྱེད་པའི་སྲོལ་ཡོད། བཙན་པོ་སྲོང་བཙན་སྐབས་ཀྱི་དགེ་བཅུ་དང་ཞལ་ལྕེ་འདུས་བའི་ཁོད་སོ་དྲུག་གི་ཁྲིམས་དང་རྒྱ་ནག་གི་ཐང་རྒྱལ་རབས་ཀྱི་ཐང་ཁྲིམས་བཅས་ནི་སྐབས་དེ་བོད་དང་རྒྱ་ནག་གནའ་རབས་ཀྱི་ཁྲིམས་ལུགས་ཀྱི་ཕུལ་བྱུང་ཚབ་མཚོན་ཡིན་ཟེར། ཡིན་ནའང་ད་ལྟ་ཞུ་སྦྱོར་རམ་གཏུག་བཤེར་གྱི་ཁྲིམས་ཀྱི་གཞུང་ལུགས་དང་ལྟ་གྲུབ་ནི་༡༨༩༠གོ་གྲངས་ནང་རྒྱ་ནག་གི་ཁྲིམས་རིག་ཆེད་གཉེར་བས་ཡུ་རོབ་དང་འཇར་པན་སོགས་ནས་དབོར་འདྲེན་བྱས་པའི་ཁྲིམས་གཞུང་དག་གཞིར་བཟུང་བྱས་སྟེ་གསར་བཟོ་བྱས་བ་ཞིག་རེད། དཔེར་ན་དག་སེལ་དང་ཚབ་གཉེར་གྱི་ལམ་ལུགས་ལྟ་བུར་མཚོན་ན་བོད་དང་རྒྱ་ནག་གི་གནའ་བོའི་ཁྲིམས་གཞུང་ན་འདིའི་སྐོར་གཏན་འཁེལ་བྱས་མེད། དེ་ནི་ནུབ་ཕྱོགས་པའི་ཉེས་དོན་ཞུ་སྦྱོར་གྱི་སྐབས་སུ་གསར་གཏོད་བྱས་བ་ཞིག་རེད། ༡༩༤༩ལོ་རྗེས་སུ་རྒྱ་ནག་གིས་ཨུ་རུ་སུ་༼དེའི་སྐབས་སུ་སུའུ་ལུན་ཟེར༽ཞེས་བའི་རྒྱལ་ཁབ་དེ་ལས་ཉེས་ཁྲིམས་དང་དེའི་ཞུ་སྦྱོར་སྐོར་གྱི་ཁྲིམས་ཀྱི་གཞུང་ལུགས་སོགས་ནང་འདྲེན་བྱས་ཤིང་༡༩༧༩ལོར་ཉེས་དོན་གཏུག་བཤེར་གྱི་ཁྲིམས་གཏན་ཏུ་འཁེལ། ཁྲིམས་དེའང་༡༩༩༦ལོ་དང་༢༠༡༢ལོར་བཟོ་བཅོས་ཆེན་པོ་ཐེངས་གཉིས་ཙམ་བརྒྱབ་ཡོད། ཁྲིམས་དེ་ནང་དུ་ཆ་རྐྱེན་གང་འདྲ་ཞིག་གི་འོག་ནས་གང་ཟག་གི་ཐོབ་ཐང་ལ་རྒྱལ་ཁབ་ཀྱིས་ཚད་འཛིན་དང་བཟུང་བཀྱིག་བྱེད་ཆོག་པ་སོགས་ཀྱི་དོན་ཚན་དང་བརྒྱུད་རིམ་ཕྲ་ཞིབ་ངང་བཀོད་ཡོད་པས་རྒྱ་ནག་ནང་ཞུ་སྦྱོར་གྱི་ཁྲིམས་འདི་ལ་འགྲོ་བ་མིའི་ཐོབ་ཐང་གི་ཁྲིམས་སམ་རྩ་ཁྲིམས་ཆུང་ངུ་ཞེས་འབོད་གིན་ཡོད།

བོད་རང་སྐྱོང་ལྗོངས་ཀྱི་སྐད་ཡིག་གི་ཡུལ་ཁྲིམས་ཀྱི་འགྱུར་ལྡོག

༡༩༨༧ལོར་སྐབས་བཞི་བའི་བོད་རང་སྐྱོང་ལྗོངས་མི་དམངས་འཐུས་མི་ཚོགས་ཆེན་གྱི་ཐེངས་ལྔ་བའི་གྲོས་ཚོགས་ཐོག་ཏུ་གྲོས་ཆོད་བྱུང་བའི་བོད་སྐད་ཡིག་བཀོད་སྤྱོད་ཐད་ཀྱི་ཡུལ་ཁྲིམས་ཚོད་ལྟ་མ་དེ་༢༠༠༢ལོར་སྐབས་བདུན་པའི་བོད་རང་སྐྱོང་ལྗོངས་ཀྱི་མི་དམངས་ཚོགས་ཆེན་ཐེངས་ལྔ་བའི་གྲོས་ཚོགས་ཐོག་བཟོ་བཅོས་བརྒྱབ་ཡོད་པ་དང་། བཟོ་བཅོས་སྔ་གཞུག་གི་ཡུལ་ཁྲིམས་གསར་རྙིང་གཉིས་ཤན་སྦྱར་བྱས་ནས་གཤམ་དུ་བཞག་ཡོད། ཡུལ་ཁྲིམས་རྙིང་བ་ཡི་གེ་ལྗང་ཁུས་མཚན་པ་དང་གསར་བ་ནག་པོས་བྲིས་ཡོད་པ་དེ་ཀློག་མཁན་རྣམས་ཀྱིས་བོད་ཀྱི་སྐད་ཡིག་གི་ཁྲིམས་བཟོའི་གནས་བབ་ལ་ཤེས་ཚོར་བྱུང་ཆེད་དང་མུ་མཐུད་ནས་བོད་ས་ཕྱོགས་སོ་སོའི་སྐད་ཡིག་གི་ཡུལ་ཁྲིམས་དང་ཁྲིམས་བཟོའི་ཆུ་ཚད་སོགས་སྤུས་ལེགས་གཏོང་བའི་ཐད་ལ་བློ་དང་བཀོད་པ་བསམ་ཚུལ་སོགས་གནང་བའི་ཆེད་དུ་སྤེལ་བ་ཡིན། ཕྱོགས་མང་བོ་ཞིག་ནས་ང་ཚོའི་ཡུལ་ཁྲིམས་དེ་ས་གནས་ཁྲིམས་བཟོ་བ་དང་ས་གནས་སྲིད་གཞུང་སོགས་ཀྱིས་རྒྱལ་ཁབ་ཀྱི་སྤྱི་ཁྲིམས་ལ་ཁ་གཡར་ནས་ཐོ་འཚམས་བྱས་དང་བྱེད་བཞིན་པའི་གནས་ཚུལ་ལ་ཁྲིམས་དང་མཐུན་པར་གདོང་ལེན་བྱེད་སྟངས་ཀྱི་སྐོར་ལ་དོ་སྣང་བྱེད་དགོས། ༢༠༠༧ལོར་ཞིང་གཤེགས་བློ་མཐུན་བཀྲ་ཤིས་ཚེ་རིང་གིས་བོད་རང་སྐྱོང་ལྗོངས་ཀྱི་ཁྲིམས་བཟོ་བ་ཡོངས་དང་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གནད་ཡོད་ལས་ཁང་སོགས་ལ་སྙན་ཞུ་ཞིག་ཕུལ་ནས་༢༠༠༢ལོའི་རང་སྐྱོང་ལྗོངས་ཀྱི་སྐད་ཡིག་ཡུལ་ཁྲིམས་བཟོ་བཅོས་གསར་བ་དེས་རྩ་ཁྲིམས་དང་མི་རིགས་རང་སྐྱོང་གི་ཁྲིམས་ལུགས་སོགས་ཀྱིས་བོད་ཀྱི་སྐད་ཡིག་ལ་སྤྲད་པའི་བཀོད་སྤྱོད་ཀྱི་དབང་ཐང་ལ་གནོད་འཚེ་ཚབས་ཆེན་བཟོས་ཡོད་པས་སྐད་ཡིག་སྐོར་གྱི་ཡུལ་ཁྲིམས་གསར་བ་དེར་ཡང་བསྐྱར་བཟོ་བཅོས་བྱེད་དགོས་བའི་འབོད་བསྐུལ་ཤུགས་དྲག་གནང་བས། རྒྱལ་ཁབ་མི་རིགས་ལས་དོན་ཨུ་ཡོན་ལྷན་ཁང་གིས་ཁོང་གི་འབོད་སྐུལ་གྱི་སྐོར་ལ་གོང་རིམ་པས་བཀའ་ལྟར་བོད་ཡིག་ཆེད་མཁས་མི་སྣ་བསྐངས་ཏེ་༢༠༠༧ལོའི་ཟླ་༧པའི་ཚེས་༧དང་ཚེས་༨བཅས་ཉིན་གཉིས་རིང་ལ་པེ་ཅིན་ནས་བཀྲ་ཤིས་ཚེ་རིང་གི་བསམ་འཆར་ལ་གྲོས་བསྡུར་བྱས་མཐར་ཁོང་གི་བསམ་འཆར་གནས་ལུགས་དང་མཐུན་ཞིང་བོད་རང་སྐྱོང་ལྗོངས་ཀྱི་སྐད་ཡིག་གི་ཡུལ་ཁྲིམས་གསར་བ་དེས་རྩ་ཁྲིམས་དང་མི་རིགས་ས་གནས་རང་སྐྱོང་གི་དགོངས་པ་དང་འགལ་ནས་བོད་ཡིག་བོད་ཀྱི་ས་ཐོག་ནས་བཀོད་སྤྱོད་བྱེད་པར་ཚད་བཟུང་བ་དང་བཀག་བསྡོམས་བྱས་བ་དེ་ཁྲིམས་འགལ་ཡིན་པས་བཟོ་བཅོས་བྱེད་དགོས་ཞེས་བློ་མཐུན་བཀྲ་ཤིས་ཚེ་རིང་གི་བསམ་འཆར་ལ་རྒྱབ་སྐྱོར་བྱས་ཡོད། བོད་ཡིག་ཆེད་མཁས་བ་རྣམས་ཀྱི་རྒྱབ་སྐྱོར་ཡི་གེ་ཐེངས་རྗེས་མའི་ལེའུ་ཚན་ནང་དུ་སྤེལ་རྒྱུ་ཡིན།

དྲག་ཤུལ་ཐབས་ཚུལ་གྱི་སྐོར་རོབ་ཙམ་བཤད་པ།

དྲག་ཤུལ་ཐབས་ཚུལ་ཞེས་བ་ནི་སྤྱི་བདེ་ལས་ཁུངས་དང་ཞིབ་དཔྱོད་ལས་ཁུངས་དང་། ཡང་ན་ཁྲིམས་ཁང་སོགས་ཀྱིས་ཉེས་དོན་ཞུ་སྦྱོར་བདེ་བླག་ཡོང་ཆེད་ཁྲིམས་ལྟར་དོགས་གཞི་མི་སྣའམ་གྱོད་ཡ་དུས་ངེས་ཅན་ནང་བཟུང་བཀྱིག་བཀག་གསུམ་བྱེད་པའམ་དེའི་འགྲོ་འདུག་གི་རང་དབང་སོགས་ལ་ཚད་འཛིན་པའི་ཁྲིམས་མཐུན་གྱི་དབང་དྲག་གི་ཐབས་ཚུལ་ལ་གོ རྒྱ་སྐད་སྐད་དུ་༼强制措施༽ཟེར་། དེ་ལ་དབྱེ་ན་ལྔ་ཡོད་པ་དང་། དང་བོ་བཙན་འགུགས། གཉིས་བ་གཏའ་གྲོལ། གསུམ་པ་བསྡོད་གནས་ལྟ་རྟོག བཞི་བ་བཀག་ཉར་དང་ལྔ་བ་འཛིན་བཟུང་བཅས་ཡིན། བཙན་འགུགས་ཞེས་བ་ནི་སྤྱི་བདེ་དང་ཁྲིམས་འཛིན་ལས་ཁུངས་ཀྱིས་བཟུང་བཀྱིག་མ་བྱས་བའི་དོགས་གཞི་མི་སྣ་དང་གྱོད་ཡ་སོགས་བཙན་དྲག་གིས་ས་གནས་ངེས་ཅན་ལ་བོས་སམ་ཁྲིད་ཏེ་འདྲི་རྩད་བྱེད་པའི་ཐབས་ཚུལ་ལ་གོ དེའི་དུས་ཡུན་ཆུ་ཚོད་༡༢ལས་འདའ་མི་ཆོག་པ་དང་ཡིན་ནའང་གྱོད་གཞི་ཤིན་ཏུ་ཚབས་ཆེ་བའི་དོགས་གཞི་མི་སྣ་དུས་ཚོད་༢༤་བར་དུ་འགྱང་ཆོག འབོད་འགུགས་བྱེད་སྐབས་་སྤྱི་བདེ་དང་ཁྲིམས་འཛིན་ལས་ཁུངས་ཀྱི་འགན་འཛིན་གྱིས་ས་ཡིག་བཀོད་པའི་བརྡ་སྦྱོར་དོགས་གཞི་མི་སྣར་སྟོན་དགོས་བ་དང་། འདྲི་རྩད་ཚར་རྗེས་དོགས་གཞི་མི་སྣ་མྱུར་དུ་གློད་གྲོལ་གཏོང་དགོས། དོགས་གཞི་མི་སྣ་འཛིན་བཟུང་ངམ་བཀག་ཉར་བྱེད་རྒྱུ་ཡིན་ན་དུས་ཚོད་༢༤ནང་དུ་འབྲེལ་ཡོད་ཆོག་མཆན་སྐོར་གྱི་ལས་ཀ་ཚགས་སུ་ཚུད་དགོས། རྒྱ་སྐད་དུ་ཐབས་ཚུལ་འདི་ལ་༼ 拘传༽ཟེར།

怎样学好法律?

贺卫方(北京大学教授) …….    你应该怎样学法律    以上是一些题外话。今天的时间比较从容,我想和大家做点交流,谈一谈作为一个新入学的学生,作为一个北大法学院的学生,应当怎样去学习法律,怎样能够在毕业之后不觉得自己这四年没有白过。实际上,对于这个问题,我自己也没什么经验,我刚才已经说过了,我是一个单科大学的毕业生,不像你们。你们太幸运了,高中毕业后考入这样一个伟大的综合性大学,我当年就没这么幸运了。当时只有几个学校招法律系的学生:北京大学、吉林大学、中国人民大学和西南政法学院 ——后来改名西南政法大学。我不知道你们为什么要报考法律,我当时并没有报法律,报的是山东师范学院的中文系,我梦寐以求的就是当个作家。

怎样学习法律——法学院新生的第一课

梁慧星 我先做个自我介绍,我是文法学院的名誉院长。我为担任文法学院名誉院长感到荣幸,学院安排我今晚给一年级同学上第一课,谈谈怎样学习法律。此前我在本院做过同样题目的讲座,今晚讲的内容与此前讲的有所不同,请予注意。 同学们进入法学院,到法学院来做本科生,首先需要考虑的问题是:进法学院的目的是什么?可能有的同学事先已经考虑过,或者我们的家长或者亲友已经告诉我们,进入法学院就大致决定了我们将来选择职业的范围。我今晚讲怎样学习法律,首先要谈谈我们为什么进法学院?我们进法学院的目的何在?第一个问题,谈学习法律的目的。第二个问题,谈怎么样学习法律,谈学习法律的方法。

© 2017 — Powered by WordPress

Theme by Anders NorenUp ↑